3/19/2024
Today from Hiiraan Online:  _
Wararka Maanta- Sabti, Dec 25, 2010
Hoos u dhac weyn oo laga dareemayo sicirka lagu kala iibsado xoolaha suuqyada magaalada Beledweyne
Sabti, 25 December, 2010 (HOL) Tan markii ay ku dhufteen qeybo badan oo ka mid ah goballka Hiiraan Abaarta isugu jirta biyo iyo baad la'aanta soo food saartay in badan xoolaha dhaqatada ayaa waxaa lagu arkayaa Seyladaha Xoolaha lagu kala iibsado ee magaalada Beledweyne, Xoolo isugu jira Ari, Lo, iyo Geel, qiimo ahaan  siweyn hoos uga dhacay intii markii hore lagu kala iibsan jiray.

Naafka Ariga ah oo markii hore lagu kala iibsan jiray magaalada Beledweyne lacag dhan ilaa $30 doolar oo u dhiganta ilaa 930,000 oo Sh, So, ayaa hadda ka maraya Suuqa wax ka yar $10 doolar oo u dhigta illaa 300,000 oo Sh, So, ah.
Waxaa sidaa oo kale hoos u dhac ku yimid qiimaha la kala siisto Lo, iyo Geel, sida ay HOL u sheegeen qaar ka mid ah ganacsatada Xoolaha magaalada Beledweyne, oo intaa ku darray in iyada oo ay sidaa tahay aysan jirin cid u baahan waqtigan iibsaneysa.

''Sababta keentay marka hore qiima dhaca sidan u weyn waa neefkii oo aan laheyn wax hilib, islamarkaana qofka iibsada ay qasab ku tahay in guriga uu ku geeyo Gaari iyo wixii uu heli karo, waayo Naafku socodba magalo, ayuu yiri, Xaanshi Dheere oo ka mid ah ragga ka ganacsada Xoolaha magaalada Beledweyne.

Marka aad dhax istaagto Seyladaha lagu kala iibsado Xoolaha magaalada Beledweyne, waxaa kuu sawirmaya xadiga Abaarta jirta, iyada oo dhamaan xoolaha la keenayo suuqa yihiin kuwo Caato ah oo aan laheyn Cad lagu qaato.

''Marka marka qaar waxaa noo yimaada dad ka faa'ideysanaya qiimo yarida xoolaha oo inta ay dhowr Neef iibsadaan guryaha geysta,'' ayuu yiri Xaanshi Dheere oo intaa sii raaciyay in qofkii iska sii iibiyay Neefkana aysan waxba u goyneynin lacagta laga siiyay.

Marka laga soo tago hoos u dhaca ku yimid qiimaha Xoolaha magaalada Beledweyne, dhinaca waxaa sare u kacay qiimaha lagu kala iibsado Caanaha, maadaama ay iskaba yar yihiin xiliga Caanaha la heli karo.

C/raxmaan Diini, Hiiraan Online
[email protected]
Beledweyne, Soomaaliya













Click here
12/25/2010 12:55 PM EST
Sabti, 25 December, 2010 (HOL) − Ciyaaraha galabta dhacay ayaa lagu tilmaami karaa in ay ahayeen kuwa ka duwan kulamadii horay usoo dhacay ee koobka gobollada kana soconaya magaalada Garowe.

12/25/2010 8:41 AM EST
Sabti, 25 December 2010 (HOL)- Shaqadii waxbarasho ee jaamacadda Hargeysa ayaa maanta gebi ahaanba istaagtay, ka dib markii ardayda wax ka barata Jaamacaddaasi ay Mudaharaadeen, isla markaana ay cabasho u gudbiyeen xukuumadda Somaliland.

12/25/2010 7:20 AM EST
Sabti, 25 December, 2010 (HOL) − Wasiirka ammaanka dalka Burundi, ayaa Jimcihii sheegay inay aad uga feejigan yihiin hanjabaadyada kaga imaanaya Xarrakatul Shabaab oo ka dagaalanta Soomaaliya, maadama ay dhowr jeer u fashilmeen isku-dayo lagu weeraro looga fuliyo dalkooda ay guuldarreysteen.

12/25/2010 7:01 AM EST
Sabti, 25 December, 2010 (HOL) − Madaxa dacwada ee Xarrakada Al-Shabaab Sheekh Fu'aad Maxamed Qalaf ayaa uga digay ciidammadooda inay shacabka dhib u geystaan, isagoo ugu baaqay maamulka degmada Afgooye iyo ciidammada inay u naxariistaan shacabka.

12/25/2010 6:45 AM EST
Sabti, 25 December, 2010 (HOL) − Xildhibaanad Saynab Maxamed Caamir oo ka mid ah mudanayaasha baarlamaanka Soomaaliya, ayaa dhaliishay mushaaraadka loo qoondeeyay askarta dowladda Soomaaliya ee ku xusan miisaaniyadda sannadeedka 2011, oo loo gudbiyay baarlamaanka Khamiistii si ay u ansixiyaan.

12/25/2010 6:39 AM EST
Sabti, 25 December, 2010 (HOL) − Qaar kamid ah odoyaasha dhaqan iyo dadka xoolo dhaqatada ee gobollada Jubooyinka ayaa soo jeediyay qeylo dhaan ku aadan abaaraha ba’an eek u dhuftay gobollada jubooyinka kuwaas oo saameeyey nolosha dadka iyo duunyada ku dhaqan gobollada Jubooyinka.

12/25/2010 2:41 AM EST
Sabti, 25 December, 2010 (HOL) − Ugu yaraan shan qof oo ay ka mid yihiin ciidankii dagaalamay, ayaa ku dhintay dagaal saakay aroortii hore ku dhexmaray degmada Boondheere dowladda oo taageero ka helaya AMISOM iyo xoogagga Xarrakatul Shabaabul Mujaahidiin.

12/25/2010 2:38 AM EST
Sabti, 25 December, 2010 (HOL) − Xukuumadda Soomaaliya, ayaa sheegtay inay kala hadashay ciidammada AMISOM, madaafiicda ay dadka badan waxyeelladu kasoo gaarto oo lagu garaaacyo degmooyinka gobolka Banaadir.

12/25/2010 2:35 AM EST
Sabti, 25 December, 2010 (HOL) − Dowladda Shiinaha, ayaa 4-milyan doollar ku taageertay howlgalka ciidammada Midowga Afrika ee AMISOM, waxaana heshiiskan shalay oo Jimco ahayd uu ka dhacay xarunta Midowga Afrika ay ku leedahay magaalada Addis Ababa ee dalka Itoobiya.

12/25/2010 2:34 AM EST
Sabti, 25 December, 2010 (HOL) − Dowladda Ruushka, ayaa sheegtay Jimcihii shalay inay baaritaanno ku sameynayso filim saddex daqiiqo soconaya oo muujinaya ciidamada badda Ruushka ee ku sugan xeebaha Soomaaliya oo madaafiic iyo rasaas la beegsaday dooni yar oo ay wateen kooxo la filay inay yihiin burcadbadeed Soomaaliyeed.