2014-10-31
Today from Hiiraan Online:  _
Wararka Maanta- Sabti, Dec 25, 2010
Mudaharaadyo maanta ka dhacay Somaliland oo sababay in la xiro Jaamacadda Hargeysa (SAWIRRO)



Sabti, 25 December 2010 (HOL)- Shaqadii waxbarasho ee jaamacadda Hargeysa ayaa maanta gebi ahaanba istaagtay, ka dib markii ardayda wax ka barata Jaamacaddaasi ay Mudaharaadeen, isla markaana ay cabasho u gudbiyeen xukuumadda Somaliland.

Ardayda maanta Mudaharaaday ayaa qaarkood ay cabasho ka muujiyeen guddi cusub oo ku-meel-gaadh ah oo uu madaxweyne Siilaanyo u magacaabay Jaamacaddaas, ka dib markii uu dhawaan iscasilay guddoomiyihii Jaamacaddaas Dr. Xuseen Cabdilaahi Bulxan, taas oo keentay in uu khilaaf ka dhex abuurmo ardayda qaarkood, isla markaana ay la kala saftaan qaybsanaan soo kala dhex gashay hoggaanka Jaamacadda.


Ardaydan maanta Mudaharaadka la tegay Jaamacadda Hargeysa, waxay sheegeen in maamulka ku-meel-gaarka ah ee uu madaxweynuhu magacaabay aanay aqoon ahaan hagi-karin Jaamacadda, waxaana ardayda hadal u jeediyay Wasiirka arrimaha gudaha Somaliland Dr. Maxamed Cabdi Gabboose iyo Taliyaha Ciidamada Booliska Cilmi Rooble Furre, waxaanay kula dardaarmeen ardayda in ay amniga sugaan, isla markaana cabashadooda ay u tebiyaan si nabadgelyo ah.

Dhinaca kale, hoggaanka Jaamacadda oo iyana arrintan ka hadlay ayaa mudaharaadka ku tilmaamay mid siyaasadaysan.

Dhawaanahan waxa Jaamacadda hadheeyay khilaaf laysku maan-dhaafay hab-maamulka Jaamacadda, taas oo ay guddi sare oo dhawaan la magacaabay ay sheegeen inay iska dhex dooranayaan Guddoomiyaha Jaamacadda, halka hoggaankii hore u sii joogayna ay sheegeen in aanay xaq u lahayn, taasina waxay sababtay in madaxweyne Siilaanyo uu magacaabo mid ku-meel-gaadh ah, kaas oo isna keenay mudahaharaadka ardayda ee maanta.







Barkhad M. Kaariye, Hiiraan Online
barqad@hiiraan.com 
Hargeisa, Somaliland





Post your comments

2010-12-25 12:55 PM EST
Sabti, 25 December, 2010 (HOL) − Ciyaaraha galabta dhacay ayaa lagu tilmaami karaa in ay ahayeen kuwa ka duwan kulamadii horay usoo dhacay ee koobka gobollada kana soconaya magaalada Garowe.

2010-12-25 7:20 AM EST
Sabti, 25 December, 2010 (HOL) − Wasiirka ammaanka dalka Burundi, ayaa Jimcihii sheegay inay aad uga feejigan yihiin hanjabaadyada kaga imaanaya Xarrakatul Shabaab oo ka dagaalanta Soomaaliya, maadama ay dhowr jeer u fashilmeen isku-dayo lagu weeraro looga fuliyo dalkooda ay guuldarreysteen.

2010-12-25 7:01 AM EST
Sabti, 25 December, 2010 (HOL) − Madaxa dacwada ee Xarrakada Al-Shabaab Sheekh Fu'aad Maxamed Qalaf ayaa uga digay ciidammadooda inay shacabka dhib u geystaan, isagoo ugu baaqay maamulka degmada Afgooye iyo ciidammada inay u naxariistaan shacabka.

2010-12-25 6:45 AM EST
Sabti, 25 December, 2010 (HOL) − Xildhibaanad Saynab Maxamed Caamir oo ka mid ah mudanayaasha baarlamaanka Soomaaliya, ayaa dhaliishay mushaaraadka loo qoondeeyay askarta dowladda Soomaaliya ee ku xusan miisaaniyadda sannadeedka 2011, oo loo gudbiyay baarlamaanka Khamiistii si ay u ansixiyaan.

2010-12-25 6:39 AM EST
Sabti, 25 December, 2010 (HOL) − Qaar kamid ah odoyaasha dhaqan iyo dadka xoolo dhaqatada ee gobollada Jubooyinka ayaa soo jeediyay qeylo dhaan ku aadan abaaraha ba’an eek u dhuftay gobollada jubooyinka kuwaas oo saameeyey nolosha dadka iyo duunyada ku dhaqan gobollada Jubooyinka.

2010-12-25 2:41 AM EST
Sabti, 25 December, 2010 (HOL) − Ugu yaraan shan qof oo ay ka mid yihiin ciidankii dagaalamay, ayaa ku dhintay dagaal saakay aroortii hore ku dhexmaray degmada Boondheere dowladda oo taageero ka helaya AMISOM iyo xoogagga Xarrakatul Shabaabul Mujaahidiin.

2010-12-25 2:38 AM EST
Sabti, 25 December, 2010 (HOL) − Xukuumadda Soomaaliya, ayaa sheegtay inay kala hadashay ciidammada AMISOM, madaafiicda ay dadka badan waxyeelladu kasoo gaarto oo lagu garaaacyo degmooyinka gobolka Banaadir.

2010-12-25 2:35 AM EST
Sabti, 25 December, 2010 (HOL) − Dowladda Shiinaha, ayaa 4-milyan doollar ku taageertay howlgalka ciidammada Midowga Afrika ee AMISOM, waxaana heshiiskan shalay oo Jimco ahayd uu ka dhacay xarunta Midowga Afrika ay ku leedahay magaalada Addis Ababa ee dalka Itoobiya.

2010-12-25 2:34 AM EST
Sabti, 25 December, 2010 (HOL) − Dowladda Ruushka, ayaa sheegtay Jimcihii shalay inay baaritaanno ku sameynayso filim saddex daqiiqo soconaya oo muujinaya ciidamada badda Ruushka ee ku sugan xeebaha Soomaaliya oo madaafiic iyo rasaas la beegsaday dooni yar oo ay wateen kooxo la filay inay yihiin burcadbadeed Soomaaliyeed.

2010-12-25 2:11 AM EST
Sabti, 25 December, 2010 (HOL) Tan markii ay ku dhufteen qeybo badan oo ka mid ah goballka Hiiraan Abaarta isugu jirta biyo iyo baad la'aanta soo food saartay in badan xoolaha dhaqatada ayaa waxaa lagu arkayaa Seyladaha Xoolaha lagu kala iibsado ee magaalada Beledweyne, Xoolo isugu jira Ari, Lo, iyo Geel, qiimo ahaan siweyn hoos uga dhacay intii markii hore lagu kala iibsan jiray.