Dowlada Soomaaliya iyo Dowlad Goboleedka Puntland oo heshiis kala sixiixdey
Xafiiska Madaxweynaha Dowlad Goboleedka Puntland
Monday, April 12, 2010
Isniin, April 12, 2010 (XDGPuntland) - Waxaa maanta 12 April.2010 lagu kala saxiixday Hotel Safari Park ee Nairobi, heshiis is afgarad oo dhex maray maamulka Puntland iyo xukuumadda federalka ku meel gaarka ah ee Somaliya, heshiiskaas oo daba socday heshiiskii ay kal hore labada maamul ku kala saxiixdeen magaalada Gaalkacayo, ayaa ujeedadiisu ahayd ;
1- In la xoojiyo sharciga iyo kala dambaynta bad iyo berigaba.
2- In dib loo dhiso lana habeeyo ciidanka aminiga ee dalka. ( ciidamada badda ee la dagaalama burcad badeeda, saldhigna looga dhiga Puntland).
3- In shaqo loo abuuro dadka shaqola'aantu hayso (gaar ahaan dadka xeebaha ku teedsan)
4- In laga sifeeyo xeebaha dalka wasakhda (gaar ahaan xeebaha Puntland.
5- In wacyi gelin loo sameeyo shacabka si loo soo afjaro burcad badeeda iyo arimaha la xiriira.
Kulankaas ayaa waxaa ka soo qaybgalay, hay'adaha iyo dawladaha daneeya arrimaha Somaliya, oo ay ka mid yihiin ; dawladda Talyaaniga, Swedan, Spain, Franc, wakiilka EU-da u fadhiya Nairobi iyo waliba wakiilka Jamciyadda quruumaha u dhexaysa u qaabilsan arrimaha Somaliya Mr. Weled Cabdalla.
Dawladda Puntland iyo TFG-da ayaa waxaa u saxiixay heshiiskaan Wasiikra Arrimaha Gudaha Gen. Cabdulahi Axmed Jamac (Ilka jiir) iyo Wasiirka Gaashaandhiga Cabdalla Boss, waxaana goobjoogayaal ka ahaa Madaxwaynaha Dawladda Puntland Cabdiraxman Maxamed Maxamud (Farole) iyo Ra'isal wasaare ku xigeenka TFG, Sharif Xasan.
Dhamaan masuuliyiintii ka hadashay kulankaan ayaa sheegay inay ku faraxsanyihiin kuna bogaadinayaa labada dhinac heshiiskaan is afgarad ee dhaxmay Pl iyo TFG, kaasoo ah talaabo loo qaaday xaga horumarka dib u heshiisiinta Soomaalida.
Qoraalka heshiiskaan ayaan dib idiinka soo gudbinaynaa haddii alle idmo.
Xafiiska Madaxweynaha Puntland
