Waxaa maalintii Jimcaha oo ku aadanayd 22ki October 2004 booqasho ku tagay Isbitaalka Indhaha ee Kikuyu ee magaalada Nairobi Ugaas C/raxmaan Ugaas Khaliif iyo wafdi uu hogaaminaayo. Booqashadan waxa uu ugaasku ugu talagalay mahad celin uu u mahadcelinaayo qaybta indhaha ee Isbitaalka Kikuyada oo mudo hada ka badan 7sano howlaha indha fiiqa ka waday gobolka Hiiraan. Safarki ugu dambeeyay oo ay ku tageen magaalada B/weyne intii u dhaxeysay 4-8dii October ayaa waxaa halkaas indhaha loogu fiiqay in ka badan 370.

Suuro galinta mashruucan waxaa iska kaalmaystay hay'adaha Zam Zam Foundation, Mercy-USA for Aid and Development iyo Hiiraan Development Agency oo dhamaantood iska kaashaday qaabkii ay howshaas si xarago leh ugu dhici lahayd.

Kooxda barnaamijka samaysay ayaa waxay mahad gaar ah u celinaayaan dhamaan dadwaynaha reer B/weyne oo uu ugu horeeyo Ugaas C/raxmaan Ugaas Khaliif sida ay iskaga xilsaareen howshaan muhiimka ah. Waxaa kale oo mahad gaar ah loo celinaayaa hay'ada Hiiraan Development Agency oo iyada iska xilsaartay qaabki ay u heli lahayd taageerada iyo dib u soo noolaynta mashruuca indha fiiqa kadib markii ay mudo hal sano iyo bar oo hakasho ah mashruuca soo dhex gashay.

Hay'adaha Mercy-USA iyo Zam Zam Foundation ayaa si rasmi ah ula sixiixday qaybta indhaha ee Isbitaalka Kikuyu sidii ay howshooda u xoojin lahaayeen magaalada B/weyne isla markaana ay howl cusub uga bilaabi lahaayeen magaalada Muqdisho. Bisha October 24keeda ayaa labadan hay'adood ee Zam Zam iyo Mercy-USA ka bilaabeen mashruuc indhaha loogu fiiqayo in ka badan 500 oo ruux Isbitaalka Carafaat ee magaalada Muqdisho

Patients lined up for eye operations
	Dr. Gradin (with the glasses) and Dr. Moris of the Eye Unit of the Kikuyu Hospital screening patients while Asli Ismail Duale (one of the coordinators) helps with translation.

Fatxudiin Cali Oosbito
Nairobi, Kenya
E-mail: [email protected]